महिनावारी विभेद : संविधानमा अधिकार, गाउँमा अझै गोठकै बास

महिनावारी विभेदका कारण अहिले पनि महिलाहरू संविधानले प्रत्याभूत गरेका मौलिक हकबाट पूर्ण रूपमा वञ्चित छन्।

महिनावारी हुने बित्तिकै महिलाले भान्सा छोड्नुपर्ने, सामाजिक कामकाजबाट टाढा बस्नुपर्ने, गोठमा सुत्नुपर्ने, छुई मानिनुपर्ने जस्ता विभेद अझै गाउँघरमा जरा गाडेर बसेका छन्। समाज आधुनिकताको बहसमा अघि बढिरहँदा महिलामाथि हुने यस्ता व्यवहारले संविधानले सुनिश्चित गरेको सम्मानपूर्वक बाँच्न पाउने अधिकारमाथि नै प्रश्न खडा गरेको छ।