धर्म प्रचार गर्न पूर्वप्रधानमन्त्रीदेखि डलर अर्बपतिसम्मको दुरुपयोग

काठमाडौं । विद्यार्थी भिसामा नेपाल आएर भिसा प्रयोजन बेगरका गतिविधिदेखि चर्च विस्तारसम्मको योजना बनाएका अमेरिकी नागरिक पक्राउ परेका छन् । अध्यागमन विभागले सोमबार उनको विषयमा सामान्य जानकारी सार्वजनिक गर्दै पूर्वप्रधानमन्त्री तथा विभिन्न पार्टीका प्रभावशाली नेतासँगको सम्बन्ध, तस्बिर र नाम दुरुपयोग भएको जनाएको हो ।

विश्वव्यापी ठगी जालो तथा चर्च विस्तारको अभियानमा संलग्न भएको आशंका गरिएका अमेरिकन नागरिकलाई अध्यागमन विभागले भिसा प्रयोजन दुरुपयोगको आशंकामा पक्राउ गरेको हो । ललितपुरको सानेपामा कलेज र कम्पनी खोलेर ठगी साम्राज्य तथा चर्च विस्तारको मिसन चलाउन खोज्ने ती अमेरिकन नागरिकको व्यक्तिगत विवरण भने गोप्य राखिएको छ ।