ला लिगामा बार्सिलोना विजयी, रियाल मड्रिडलाई उछिनेर शीर्ष स्थानमा

काठमाडौं । स्पेनिस ला लिगा फुटबलमा बार्सिलोना विजयी भएको छ । सोमबार राती घरेलु मैदानमा बार्सिलोनाले रायो भायकानोलाई १-० ले हरायो । बार्सिलोनालाई जिताउन रोवर्ट लेवाडोन्स्कीले निर्णायक गोल गरे । खेलको २८ औं मिनेटमा उनले पेनाल्टी गोल गरेका हुन् । यो सँगै बार्सिलोना अंक तालिकाको शीर्ष स्थानमा उक्लिएको छ ।

यसअघि लिड गरिरहेको रियाल मड्रिड दोस्रो स्थानमा झरेको छ । समान खेलबाट दुबैको अंक (५१-५१) समान भए पनि गोल अन्तरका आधारले बार्सिलोना शीर्ष स्थानमा उक्लिएको हो । यो खेलसँगै ला लिगाको २४ औं चरणका खेल पूरा भएको छ ।