आन्दोलनको भावनाअनुसार काम हुन सकेनः जसपा नेता यादव

राजविराज । पुर्व मन्त्री एवं जनता समाजवादी पार्टी नेपालबाट सप्तरी क्षेत्र नम्बर २ मा प्रतिनिधिसभा सदस्यका उम्मेदवार रहेका उमेश कुमार यादवले नवयुवा (जेनजी) हरुको दुई दिनकै छोटो आन्दोलनले तत्कालिन सरकार ढलेको भए पनि आन्दोलनको भावना अनुसार काम हुन नसकेको टिप्पणी गरेका छन् ।

प्रेस मञ्च सप्तरीले सोमबार राजविराजमा आयोजना गरेको पत्रकार सम्मेलनमा बोल्दै उनले यस्तो टिप्पणी गरेका हुन् । “भदौ २३ देखि चलेको दई दिनकै आन्दोलनमा तत्कालिन सरकार ढल्नु अनौठो उदाहरण थियो” नेता यादवले भने,“तर आन्दोलनको मर्म अनुसार अहिले काम हुन सकिरहेको छैन् ।”