विद्यार्थीमाथिको दमनले राज्य भक्षक बनेको प्रमाणित: कम्युनिस्ट समाजवादी पार्टी नेपाल

काठमाडौँ । कम्युनिस्ट समाजवादी पार्टी नेपालले जेनजी पुस्ताद्वारा आयोजित प्रदर्शनमा निहत्था विद्यार्थीमाथि दमनले राज्य भक्षक बनेको प्रमाणित भएको बताएको छ । सोमबार एक विज्ञप्ति जारी गर्दै पार्टीले यस्तो आरोप लगाएको हो । ‘राज्यले अभिभावकीय भूमिका निर्वाह गर्नुको सट्टा क्रूर दमन गर्नुले राज्य रक्षक नभएर भक्षक बन्न पुगेको कुरा प्रमाणित भएको छ।’ संयोजक हरिकृष्ण गजुरेल (भाष्कर)द्वारा सोमबार विज्ञप्ति भनिएका छ ।

भ्रष्टाचार र बेथितिविरुद्ध स्वतःस्फूर्त रूपमा आन्दोलनमा उत्रिएका युवाहरूलाई सरकारले फासीवादी शैलीमा दमन गरेको विज्ञप्तिमा उल्लेख गरिएको छ । “देशको विकराल परिस्थितिले चरम निराश भएका युवाहरू ‘अब त अति भयो (इनफ इज इनफ)’ भन्ने हेतुले विरोधको तयारी थालिरहँदा सरकारले एकाएक सामाजिक सञ्जाल बन्द गराएर उनीहरूलाई तितरवितर पार्न खोजेको थियो,” विज्ञप्तिमा भनिएको छ।