एमाले कास्की अधिवेशन लम्बियो

पोखरा । नेकपा (एमाले) कास्कीको ११ औं जिल्ला अधिवेशन अन्तर्गत आगामी नेतृत्वका लागि ३ जना प्रतिस्पर्धामा छन् । २ दिनमा सम्पन्न हुने भनिएको अधिवेशन ४ दिनदेखि जारी छ । निर्वाचन मण्डलले मंगलबार अबेर अन्तिम नामावली प्रकाशन गरेको हो । अध्यक्षमा बैनबहादुर अधिकारी क्षेत्री, माधव बास्तोला र विवेक त्रिपाठीले उम्मेदवारी दिएका हुन् ।

क्षेत्री पार्टी केन्द्रीय सदस्य खगराज अधिकारीनिकटका हुन् भने बास्तोला केन्द्रीय उपमहासचिव पृथ्वीसुव्वा गुरुङनिकट हुुन् । उनीहरु प्यानलबाटै उम्मेदवार हुँदा त्रिपाठीले स्वतन्त्र उम्मेदवारी दिएका हुन् ।