जेनजी आन्दोलनमा अभिभावकीय भूमिका अपरिहार्य: सोबिता गौतम

काठमाडौँ । रास्वपा सांसद सोबिता गौतमले युवा पुस्ता जेनजीद्वारा सुरु गरिएको स्वतःस्फूर्त आन्दोलनलाई वैकल्पिक शक्ति र मिलेनियल पुस्तालाई आन्दोलनको मार्गदर्शन दिन आह्वान गरेकी छन्।

गौतमले नेतृत्व अभावले आन्दोलन कमजोर हुन सक्ने सम्भावनामा जोड दिँदै मिलेनियल पुस्तालाई मार्गदर्शन र अभिभावकीय भूमिका ग्रहण गर्न आह्वान गरेकी छन्। उनले भनिन्, “अब जेनजीलाई मेलेनियलले संरक्षण गर्दै आन्दोलनलाई दिशा दिनुपर्ने आवश्यकता देखिन्छ। हामी सबै वैकल्पिक शक्ति, चेतनशील पुस्ता, र न्याय प्रेमी नागरिकले एउटै मञ्चमा बसेर देशलाई नयाँ बाटो देखाउनुपर्ने समय आएको छ।”