लिग उपाधि सिटीको पकडमा

काठमाडौँ — म्यानचेस्टर सिटीले उत्कृष्ट प्रदर्शन गर्दै बुधबार इंग्लिस प्रिमियर लिगमा आर्सनललाई ४–१ ले हराएको छ । उपाधिको निर्णायक मानिएको खेलमा सिटीको पूर्णतः दबदबा रह्यो । यस जितसँगै उपाधि होड सिटीको पकडमा आएको छ ।

यो नतिजापछि पेप ग्वार्डिओलाको सिटी आर्सनलभन्दा दुई अंकको दूरीमा दोस्रो स्थानमा रह्यो, तर उसले दुई खेल कम खेलेको छ । आर्सनलले ७५ अंकमा पहिलो स्थानमा भने त्यसपछि सिटीको ७३ अंक भएको छ । इतिहाडमा सिटीका लागि केभिन डे बुएनाले दुई गोल गरे ।