अभावलाई जित्दै स्वर्ण-यात्रा

विराटनगर। काठमाडौँमा २० देखि २२ जेठसम्म सम्पन्न १६औँ राष्ट्रपति रनिङ सिल्ड प्रतियोगितामा कोसी प्रदेशले करातेबाट राम्रो प्रदर्शन गर्दै आत्मविश्वास फर्कायो।

कोसीले महिला करातेमा पदक मात्र जितेन, तीन तौल समूहमा स्वर्ण जित्दै ‘क्लिन स्विप’ गर्‍यो। ४५ केजीमा हिरा आले मगर, ५० केजीमा प्रनिशा नेपाल र ५५ केजीमा सशिका आले मगरले स्वर्ण जित्दा दशरथ रंगशालाको म्याटमा कोसी प्रदेशको छुट्टै प्रभाव देखियो।