शिक्षक भर्नामा चलखेल गरेको भन्दै वडाध्यक्षले लगाए विद्यालयमा ताला
onlinekhabar.com · Sat Aug 29 02:24:04 GMT 2026

१३ भदौ, सप्तरी । सप्तरीको बलान बिहुल गाउँपालिका–६ स्थित जागेश्वर गहिराइ जनता माध्यमिक विद्यालय, सेहरा रौतहटमा शिक्षक–कर्मचारी भर्ना प्रक्रियामा आर्थिक चलखेल भएको आरोप लगाउँदै वडाध्यक्षले विद्यालय प्रशासन कक्षमा तालाबन्दी गरेका छन् ।
विद्यालयमा रिक्त रहेको प्लस टु तर्फ लेखा विषयको एक, अंग्रेजी विषयको एक तथा प्राविधिक धारतर्फ प्रशिक्षक एक, सहायक प्रशिक्षक एक र प्रशिक्षण सहायक एक पदमा करार नियुक्तिका लागि शनिबार बिहान ९ बजेदेखि छनोट परीक्षा सञ्चालन गर्ने विद्यालय प्रशासनले तयारी गरेको थियो। तर, भर्ना छनोट प्रक्रियामा आर्थिक चलखेल भएको आरोप लगाउँदै बलान–बिहुल गाउँपालिका-६ का वडाध्यक्ष सूर्यकुमार दासले विद्यालयमा तालाबन्दी गरेका हुन्।
स्रोतमा पूरा पढ्नुहोस् (onlinekhabar.com)