इरानी राष्ट्रपति पेजेश्कियान पाकिस्तान भ्रमणमा, यी मुद्दामा हुनेछ छलफल

इरानका राष्ट्रपति मसूद पेजेश्कियान मंगलबार पाकिस्तानको आधिकारिक भ्रमणमा जाने भएका छन् । पाकिस्तानको विदेश मन्त्रालयले उक्त भ्रमणको पुष्टि गरेको हो ।

विदेश मन्त्रालयका अनुसार राष्ट्रपति पेजेश्कियानले भ्रमणका क्रममा पाकिस्तानका उच्च राजनीतिक नेतृत्वसँग भेटवार्ता गर्ने कार्यक्रम रहेको छ ।

बीबीसी उर्दूका अनुसार मसूद पेजेश्कियानले आफ्नो भ्रमणको क्रममा पाकिस्तानका राष्ट्रपति आसिफ अली जरदारी र प्रधानमन्त्री शाहबाज शरीफलाई भेट्नेछन् । यसबाहेक उनले सिनेटका अध्यक्ष, राष्ट्रियसभाका अध्यक्ष र विदेशमन्त्री इशाक दारसँग पनि भेट गर्नेछन् ।

राष्ट्रपतिको रूपमा मसूद पेजेश्कियानको यो दोस्रो पाकिस्तान भ्रमण हुनेछ । भ्रमणका दौरान दुई देशबीच द्विपक्षीय सम्बन्ध, व्यापार, ऊर्जा, क्षेत्रीय सुरक्षा तथा आपसी हितका विविध विषयमा छलफल हुने अपेक्षा गरिएको छ ।

अमेरिका र इरानबीच हालै भएको सम्झौता र स्विट्जरल्याण्डमा दुई पक्षबीच भएको बैठकका कारण पनि यो भ्रमण महत्त्वपूर्ण छ, जसमा पाकिस्तानले मध्यस्थकर्ताको भूमिका खेलेको थियो ।

प्रकाशित मिति: मंगलबार, असार ९, २०८३

०७:१६