हिमा नदीमा मोटरेबल पुल शिलान्यास

जुम्लाको हिमा गाउँपालिका–३ जोगिबाडा र नाग्म–गमगडी राजमार्ग जोड्ने मोटरेबल पक्की पुल निर्माण सुरु भएको छ।

वर्षौंदेखि स्रोत सुनिश्चितता अभावमा रोकिएको योजना कर्णाली प्रदेश सरकारले बजेट सुनिश्चित गरेपछि कार्यान्वयनमा गएको हो। प्रदेशसभा (ख) का सांसद टेकराज पछाईले पुलको शिलान्यास गरेका हुन्। उनले चालु आर्थिक वर्षमा पुल निर्माणका लागि ८ करोड रुपैयाँ विनियोजन गरिएको बताए।