बजेटबारे बाबुराम- संरचनात्मक सुधारको नयाँ चरण सुरु गर्ने दाबी गरे पनि आधारभूत ढाँचा पुरानै

काठमाडौं । पूर्वप्रधानमन्त्री डा‍‍। बाबुराम भट्टराईले सरकारले प्रस्तुत गरेको बजेटको सैद्धान्तिक दिशा र प्रस्तुति आकर्षक भए पनि त्यसले नेपाली अर्थतन्त्रको आवश्यक संरचनात्मक रूपान्तरणको स्पष्ट मार्गचित्र दिन नसकेको टिप्पणी गरेका छन्।

नेपाल अझै पनि परम्परागत निर्वाहमुखी कृषि र श्रम निर्यातमा आधारित अर्थतन्त्रबाट आधुनिक औद्योगिक तथा सेवामुखी अर्थतन्त्रतर्फ रूपान्तरण हुने चरणमा रहेको उनको भनाइ छ।