इटालियन सिरी ए : रोमा र इन्टरको शतप्रतिशत प्रदर्शन

काठमाडौं । डोनयल मालेनले नयाँ सिजनमा गरेको छैटौं गोलको मदतले एएस रोमाले सोमबार इटालीको सिरी ए मा टुरिनोलाई २–० ले हराएको छ । अर्को खेलमा इन्टर मिलानले युडिनेजीलाई ५–३ ले पराजित गर्‍यो ।

दुवै टिमको यो लगातार चौथो जित हो । यससँगै उनीहरूले आफ्नो शतप्रतिशत सुरुआतलाई कायम राखे र लिग तालिकाको शीर्ष स्थानमा पनि रहे । रोमाका लागि दोस्रो गोल निकोला पिसिलीले गरे ।