दल त्यागेपछि गुठीचौर अध्यक्ष बुढाको पद रिक्त

नेपाली कांग्रेस परित्याग गरी राष्ट्रिय स्वतन्त्र पार्टी (रास्वपा) मा प्रवेश गरेका जुम्लाको गुठीचौर गाउँपालिकाका अध्यक्ष दानबहादुर बुढाको पद स्वतः रिक्त भएको छ।

निर्वाचन आयोगले सूचना जारी गर्दै बुढा निर्वाचित भएको पद रिक्त भएको जानकारी दिएको हो। नेपाली कांग्रेस जुम्लाका प्रवक्ता मेघराज गिरीका अनुसार बुढाले नेपाली कांग्रेस त्याग गरी अर्को दलमा प्रवेश गरेपछि पार्टीले आवश्यक प्रक्रिया पूरा गर्दै निर्वाचन आयोगलाई जानकारी गराएको थियो।