रातारात ५ हजारबाट २४ लाख इन्स्टाग्राम फलोअर्स ! यसरी भाइरल बने न्युजिल्यान्डका फुटबल खेलाडी

काठमाडौँ । न्युजिल्यान्ड राष्ट्रिय फुटबल टोलीका डिफेन्डर ‘टिम पेन’ सामाजिक सञ्जालमा रातारात चर्चित बनेका छन् । यसअघि खासै नाम नसुनिएका यी फुटबल खेलाडीको इन्स्टाग्राम फलोअर्स सङ्ख्या करिब पाँच हजारबाट बढेर केही दिनमै २४ लाख पुगिसकेको छ । अर्जेन्टिनाका एक इन्फ्लुएन्सरले चाएको अभियानका कारण पेनको फलोअर्स सङ्ख्या एकाएक न्युजिल्यान्डका कीर्तिमानी गोलकर्ता क्रिस उड र त्यहाँका प्रधानमन्त्री क्रिस्टोफर लक्सोनको संयुक्त फलोअर्स सङ्ख्याभन्दा पनि बढी पुगेको हो ।

पेनको इन्स्टाग्राममा केही दिन अघिसम्म ५ हजार फलोअर्स रहेकामा शुक्रबार नै उक्त सङ्ख्या १४ लाख पुगेको थियो । शनिबारसम्म फलोअर्स सङ्ख्या बढेर २४ लाख नाघिसकेको छ ।