वैवाहिक सम्बन्धमा बाँधिइन् निरुता सिंह

काठमाडौं । नेपाली चलचित्रकी अभिनेत्री निरुता सिंहले विवाह गरेकी छन् । तीन दशकअघि चलचित्र दर्पण छायाँबाट अभिनेत्रीका रूपमा नेपाली चलचित्र उद्योगमा भित्रिएकी निरुताले बिहीबार मुम्बईमा विवाह गरेकी हुन् । उनका समकक्षी अभिनेत्रीको छोराछोरी कलेज पढ्ने उमेरका हुँदै गर्दा अभिनेत्री निरुताले यति बेला विवाह गरेकी हुन् ।

पछिल्लो समय नेपाली चलचित्रमा अभिनयसँगै अभिनेत्री निरुताले मुम्बईमा बसेर इन्टेरियर डिजाइनसम्बन्धी कार्य गर्दै आएकी थिइन् । यसै क्रममा मुम्बई निवासी व्यवसायी सन्जिभ गुलाटीसँग उनले विवाह गरेकी हुन् ।