बेलायतमा अब मोबाइलको डिजिटल आइडीबाट पबमा उमेर प्रमाणित गर्न सकिने

बेलायतको इङ्ल्यान्ड र वेल्समा पब तथा पसलमा मदिरा खरिद गर्दा मोबाइलमा रहेको डिजिटल आइडी एपमार्फत उमेर प्रमाणित गर्न सकिने भएको छ ।

सरकारले मंगलबारदेखि लागू गरेको नयाँ नियमअनुसार ग्राहकले भौतिक परिचयपत्रको सट्टा सरकारबाट स्वीकृत डिजिटल आइडी एप प्रयोग गरी आफ्नो उमेर प्रमाणित गर्न सक्नेछन् । पोस्ट अफिस, योटी र लुसिडिटी लगायतका प्रदायकका एप प्रयोग गर्न सकिने व्यवस्था गरिएको छ ।