आर्मी इटहरी गोल्ड कपको उपाधि नजिक 

विभागीय टिम त्रिभुवन आर्मी क्लब १४ औँ संस्करणको अन्तर्राष्ट्रिय आमन्त्रण कन्ट्रोल इटहरी गोल्ड कपको फाइनल प्रवेश गरेको छ ।

इटहरी रङ्गशालामा बुधवार राती सम्पन्न पहिलो सेमिफाइनल खेलमा साबिक विजेता सगरमाथा क्लब मोरङमाथि पेनाल्टी सुट आउटमा २–१ गोलको जीत हात पार्दै आर्मी उपाधि नजिक पुगेको हो । निर्धारित समयमा दुवै टिमले गोल रहित बराबरी खेलेपछि खेलको निर्णय सिधै पेनाल्टी सुट आउटमा धकेलिएको थियो ।