म्याग्दीमा मह सिकार सुरु

म्याग्दी – जिल्लाका भिर पहरामा मह सिकार सुरु भएको छ। अन्नपूर्ण, रघुगङ्गा र धवलागिरि गाउँपालिकाको लेकाली क्षेत्रका भीरबाट मह निकाल्न थालिएको हो।

अन्नपूर्ण गाउँपालिका–७ टिकोटका मह सिकारी दीपक पुनले मह सिकारका लागि दोसल्ले भीर आएको बताए। “बेँसीका भिरबाट सुरु हुने मह सिकार गर्दै असारमा लेकको पहाडमा पुग्छौँ”, उनले भने, “सात जनाको समूह मह सिकारका लागि निक्लिएका छौँ।”