राससको सेवा विविधिकरण प्रशंसनीय छः राष्ट्रपति

काठमाडौँ, ७ फागुनः राष्ट्रपति रामचन्द्र पौडेलले राष्ट्रिय समाचार समिति (रासस)ले पछिल्लो समय आफ्नो सेवामा विविधिकरण गरेकोमा प्रशंसा गर्नुभएको छ ।

राससको ६४औँ वार्षिकोत्सवका अवसरमा समितिका पदाधिकारी, पत्रकार, कर्मचारी, सेवाग्राही एवम् शुभेच्छुकहरूमा आज हार्दिक बधाई र शुभकामना व्यक्त गर्दै सत्यतथ्य, विश्वसनीय, आधिकारिक र भरपर्दो सूचना तथा समाचार आमजनतालाई शीघ्र प्रवाह गरी सुसूचित गराउने कार्यमा राससको दायित्व र भूमिका परिवर्तित सन्दर्भमा अझ बढ्दै गएको उल्लेख गर्नुभएको छ ।