पारदर्शिता कायम राख्न राससको समाचार सेवा प्रभावकारी बनेको छ: अध्यक्ष दाहाल

काठमाडौँ, ७ फागुनः राष्ट्रियसभाका अध्यक्ष नारायणप्रसाद दाहालले नागरिकलाई संसदीय प्रणालीका बारेमा सुसूचित गराउन, जनमत निर्माण गर्न तथा पारदर्शिता कायम राख्न राष्ट्रिय समाचार समिति (रासस) को समाचार सेवा प्रभावकारी भएको बताउनुभएको छ ।

राससको ६४औँ वार्षिकोत्सवको अवसरमा आज शुभकामना व्यक्त गर्दै उहाँले लोकतान्त्रिक समाज निर्माण, पारदर्शिता र सुशासन कायम गर्न तथा देशलाई आर्थिक समृद्धिको यात्रामा अघि बढाउन राससको भूमिका विशिष्ट रहँदै आएको उल्लेख गर्नुभएको छ ।