मेस्सीलाई पछि पार्दै हालान्डले जिते यूईएफए पुरुष वर्ष खेलाडीको उपाधि

काठमाण्डाै - अर्जेन्टिनाका लियोनल मेस्सीलाई पछि पार्दै म्यानचेस्टर सिटीका एर्लिङ हालान्डले यूईएफए पुरुष वर्ष खेलाडी सन् २०२३ को उपाधि जितेका छन् ।

मोनाकोमा भएको एक समारोहकाबीच उनलाई यो उपाधि प्रदान गरिएको छ । यूईएफए पुरुष वर्ष खेलाडीको अन्तिम मनोनयनमा मेस्सी, हालान्ड र केभिन डी ब्रुइन रहेका थिए । गएको सिजन सिटी पुगेका हालान्डले पहिलो सिजनमै प्रिमियर लिग, एफए कप र च्याम्पियन्स लिगसहित तीन उपाधि जिताएका थिए । उनले गएको सिजनमा क्लब र देशका लागि ६२ खेलमा ६० गोल गरेका थिए ।