साधनाले सधैँ सचेत र सजग गराओस्

म साधनाको प्रायः नियमित पाठक हुँ । हरेक साधनामा स्वास्थ्य क्षेत्रका गहकिला सन्दर्भहरु प्रस्तुत हुने गरेको मैले पाएको छु । यसै सेरोफेरोमा भन्दा मानसिक रोग अहिलेको जल्दोबल्दो समस्याका रुपमा देखिएको छ ।

उच्च शिक्षा हासिल गर्ने नाममा छोराछोरी विदेशिएका परिवारमा यो समस्या बढी देखिएको छ । मेरो पनि एक्लो छोरो १२ पास गर्नासाथ साथीहरुको लहै–लहैमा उच्च शिक्षाका लागि विदेश पुगेको छ । उसले त्यहाँ न काम पाएको छ, न मैले खर्च धान्न सक्ने अवस्था छ ।