विश्वभर दैनिक खेर जान्छ एक अर्ब डलरको खाना

विश्वमा प्रत्येक दिन एक अर्ब डलरको खाना खेर जाने गरेको छ। बुधबार सन् २०२२ को तथ्यांक प्रस्तुत गर्दै संयुक्त राष्ट्रसंघले खानाको नोक्सानीलाई ‘विश्वव्यापी त्रासदी’ भनेको छ ।

करिब ८० करोड मानिस भोकै बस्नुपर्ने अवस्थामा घर र व्यवसायले १० खर्ब डलरभन्दा धेरै मूल्यको खाना थन्क्याएर राखेको राष्ट्रसंघको पछिल्लो फुड वेस्ट इण्डेक्स रिपोर्टमा उल्लेख छ। रिपोर्टअनुसार सन् २०२२ मा बजारमा उपलब्ध सबै उत्पादनको करिब २० प्रतिशत अर्थात एक अर्ब टनभन्दा बढी खाना खेर गएको थियो।