पोखराको शिशुवामा रोपाइँ महोत्सवको तयारी

उत्सव, महोत्सवहरुको सहर पोखरामा रोपाइँ महोत्सवको तयारी भएको छ । मुख्य खाद्यवाली धान रोपाइँलाई पर्यटनसँग जोड्दै परम्परागत कृषि प्रणालीबारे जानकारी दिन महोत्सव आयोजना गरिएको हो ।

यही असार १४ गते आइतबार पोखरा–३०, शिशुवामा स्थानीय जीवनबहादुर बुढाथोकीको आठ रोपनी जग्गामा महोत्सवको तयारी भएको हो । पोखराका पर्यटन सम्बद्ध सङ्घ, संस्थाहरुको छाता सङ्गठन पोखरा पर्यटन परिषद्ले हरेक वर्ष आयोजना गर्दै आएको महोत्सवको यो २१ औँ संस्करण हो ।