दर्शक बढेपछि थपियो ‘पेन्सन पट्टा’ शो, प्रतिक्रिया लिन दयाहाङ पुगे हल

काठमाडौँ । माओत्से गुरुङको लेखन तथा निर्देशन रहेको फिल्म हो ‘पेन्सन पट्टा’ । गत शुक्रबारबाट प्रदर्शनमा आएको फिल्मले सुरुवाती दिनदेखि नै राम्रो दर्शक पाउन सफल भएको छ । फिल्मको बलियो माउथ पब्लिसिटी र महिलाहरूको महान् पर्व तीज भएकोले फिल्ममा राम्रो दर्शक देखिएका छन् ।

तीज व्रतको दिन सोमबार पोखरा, चितवन, झापा तथा काठमाडौँका एफक्युब, सिटी स्क्वायर, लबिम र सिभिल लगायतका हल हाउस फूल रह्यो भने लमजुङ, दमौली, बुटवल, दमक लगायतका विभिन्न स्थानमा समेत फिल्मले राम्रो दर्शक पाउन सफल रह्यो ।