३३ वर्षपछि लिग उपाधि जित्ने नजिक नापोली

नापोली । लिचलाई २-१ ले पराजित गर्दै दोस्रो स्थानको लाजियोमाथि १९ अङ्कको अग्रता बनाएपछि नापोली ३३ वर्षमा आफ्नो पहिलो सिरी ए उपाधि जित्न एक कदम नजिक पुगेको छ। आइतबार भएको खेलमा एसी मिलानसँग ४–० ले पराजित भएपछि पाहुना टोलीले पुनरागमन गरेको हो ।

नापोलीका लागि जियोभान्नी डि लोरेन्जोले हेडरमार्फत गोल गर्दै अग्रता दिलाएका थिए तर ब्रेकपछि फेडेरिको डि फ्रान्सेस्कोले बराबरी गोल फर्काए । तर डिफेन्डर एन्टोनिनो गालोले बललाई चेस्टिङ गर्दा गोलकिपर व्लादिमिरो फाल्कोनको हातबाट चिप्लिएर आत्मघाती गोल भएपछि नापोलीले खेल जित्यो।