एमाले विवादः बल्थली बैठक असफल, प्रतिवेदन मिलाउन अर्को कार्यदल

काठमाडौं । नेकपा एमालेभित्रको आन्तरिक विवाद व्यवस्थापनका लागि काभ्रेको पनौतीस्थित बल्थलीमा बसेको बैठक पनि निष्कर्ष निकाल्न असफल भएको छ ।

गत निर्वाचनमा पार्टीले व्यहोरेको पराजय र त्यसयताको राजनीतिक समीक्षा तथा पार्टी पुनर्गठनका लागि प्रारूप तयार गर्न गठित कार्यदलले तयार गरेको प्रतिवेदनमा उब्जिएको विवाद समाधान गर्ने उद्देश्यले बसेको दुईदिने आवासीय बैठक निष्कर्षमा पुग्न नसकेको कार्यदलका नेताहरूले जनाएका छन् ।