दिगो वन व्यवस्थापन र रेडप्लसबारे दुईदिने क्षेत्रीय कार्यशाला सुरु

काठमाडाैँँ । नेपाल ग्रामीण पुनर्निर्माण संस्था (आरआरएन) द्वारा सञ्चालित डेडिकेटेड ग्रान्ट मेकानिजम (डिजिएम) नेपाल परियोजनाअन्तर्गत नेपाल आदिवासी जनजाति पत्रकार महासंघ (फोनिज) को सहकार्यमा आदिवासी जनजाति पत्रकारहरूको क्षमता अभिवृद्धि गर्ने उद्देश्यले दिगो वन व्यवस्थापन, रेडप्लस, वन अधिकार तथा प्राकृतिक स्रोत शासन सम्बन्धी दुईदिने क्षेत्रीय कार्यशाला शुक्रबारदेखि बाराको सिमरामा सुरु भएको छ।

कार्यशालामा मधेश र लुम्बिनी प्रदेशका १०० भन्दा बढी आदिवासी जनजाति पत्रकारको सहभागिता रहेको छ । वन, जलवायु परिवर्तन तथा प्राकृतिक स्रोत व्यवस्थापनसँग सम्बन्धित नीतिगत विषयवस्तुलाई सरल, तथ्यपरक र समुदायमैत्री ढङ्गले सञ्चार गर्न पत्रकारहरूको क्षमता विकास गर्ने उद्देश्यले कार्यक्रम आयोजना गरिएको हो ।