ई-जिपी प्रणाली अनिश्चितकाल बन्द गर्नु अत्यन्त गम्भीर र आपत्तिजनक : कुलमान घिसिङ

उज्यालो नेपाल पार्टीका अध्यक्ष कुलमान घिसिङले साइबर सुरक्षा जोखिम देखिएको भन्दै सार्वजनिक खरिदको विद्युतीय प्रणाली (ई–जिपी) अनिश्चितकालका लागि बन्द गरिएको विषय गम्भीर र आपत्तिजनक भएको बताएका छन्।

घिसिङले भदौ, असोज र कात्तिक महिना सरकारका नयाँ ठेक्का आह्वान तथा बजेट कार्यान्वयनलाई गति दिने महत्वपूर्ण समय भएकाले यही समयमा ई–जिपी प्रणाली बन्द हुँदा संघ, प्रदेश र स्थानीय तहका सयौँ सार्वजनिक खरिद तथा विकास निर्माणका प्रक्रिया प्रभावित हुने बताएका छन्। यसबाट सरकारको समग्र विकास योजनामै प्रत्यक्ष असर पर्ने उनको भनाइ छ।