गृहमन्त्री बनेकै दिन रवि लामिछानेका दुई ‘स्टन्ट’

राष्ट्रिय स्वतन्त्र पार्टी गठन गरेको केही समयमा नै यसले संसदीय निर्वाचनमा ‘प्रचण्ड’ सफलता हासिल गर्यो । प्रत्यक्ष र समानुपातिक दुवैबाट २० सिट पाएको राष्ट्रिय स्वतन्त्र पार्टी नेकपा माओवादी केन्द्रका अध्यक्ष पुष्पकमल दाहाल प्रचण्ड नेतृत्वको सरकारमा सहभागी समेत भएको छ ।

यो पार्टीका सभापति रवि लामिछानेले राजनीति सुरु गरेको छोटो समयमा नै उपप्रधान तथा गृहमन्त्रीको जिम्मेवारी पाएका छन् । संसदमा २० सिट जितेपछि यो पार्टीका सांसद तथा नेताहरुले आफूहरुले केही अजेन्डा बनाएको र ती अजेन्डासँग कुरा मिलेको खण्डमा पार्टी सरकारमा सहभागी हुने दाबी गर्दैै आएका थिए ।