राजमार्गमा बाढी–पहिरोको असरः कतै सडक ठप्प, कतै एकतर्फी सञ्चालन (सूचीसहित)

काठमाडौं- बाढी, पहिरो तथा सडक मर्मतका कारण देशका विभिन्न प्रमुख राजमार्गमा यातायात प्रभावित भएको छ। नेपाल प्रहरीले सार्वजनिक गरेको विवरणअनुसार बागमती, गण्डकी र कर्णाली प्रदेशका विभिन्न सडकखण्डमा यातायात पूर्ण तथा आंशिक रूपमा अवरुद्ध भएको हो।

बागमती प्रदेशअन्तर्गत काभ्रे, रसुवा, नुवाकोट, धादिङ र चितवनका सडकखण्ड प्रभावित भएका छन्। काभ्रेमा सम्भावित बाढीको जोखिमका कारण खुर्कोट–नेपालथोक–कटुञ्जेबेसी सडकखण्डमा सम्पूर्ण सवारीसाधनको आवागमन रोकिएको छ। उक्त सडकखण्डमा अर्को सूचना नभएसम्म सवारी सञ्चालन गर्न रोक लगाइएको प्रहरीले जनाएको छ।