नेपालको टोलीमा सन्दीप पनि समावेश

काठमाडौँ । टी–२० विश्वकप अन्तरगत दक्षिण अफ्रिकाविरुद्धको खेलमा सन्दीप लामिछानेलाई पनि सुरुवाती ११ मा समावेश गरिएको छ । खेलमा नेपालले टस जितेर फिल्डिङ गर्ने निर्णय गरेको छ ।

टोलीमा सन्दीपसहित कप्तान रोहित पौडेल कुशल भुर्तेल, आसिफ शेख, अनिल साह, कुशल मल्ल र दीपेन्द्र सिंह ऐरी छन् । त्यस्तै, गुल्सन झा, सोमपाल कामी, करन केसी र अविनाश बोहरा टोलीमा रहेका छन् ।