नियति

गाउँका मुखिया लालबहादुरको पुर्ख्यौली सम्पत्ति तमाम त छँदै थियो, सोझासिधा गाउँलेलाई रकम सापटी दिने र चर्को ब्याज असुल्ने पनि गर्थे । उनको बाकसमा मुठाका मुठा तमसुकहरू पट्ट्याएर राखिएका हुन्थे । आसामीले ब्याज दिन नसके लालबहादुरले खोरका बोका र कुखुराको भाले समेत घरमा लैजान्थे ।

छोरा नवीनलाई सहरको महँगो बोर्डिङ स्कुलमा पढाए । पछि महँगै प्राइभेट कलेजमा भर्ना गरे । होस्टेलको बसाइ र कुलतमा लागेका साथीहरूको संगतले नवीनको पढाइ बिग्रँदै गयो ।