ई–जिपी बन्द भएको होइन, सुधारको काम भइरहेको छ : सांसद गजुरेल

सांसद आशिष गजुरेलले सार्वजनिक खरिदको विद्युतीय प्रणाली (ई–जिपी) अनिश्चितकालका लागि बन्द गरिएको नभई प्रणालीमा देखिएको कमजोरी सुधारका लागि काम भइरहेको बताएका छन्।

सामाजिक सञ्जालमार्फत हाल सञ्चालनमा रहेको ई–जिपी सफ्टवेयरमा गम्भीर कमजोरी देखिएको जिकिर गर्दै उनले यस्तो बताएका हुन्। उनले एउटा प्रस्तावदाताले अर्को प्रस्तावदाताको प्रस्ताव हेर्न तथा त्यसमा पहुँच राख्न सक्ने अवस्थासम्म देखिएपछि समस्या पहिचान गरी प्रणाली सुधारको काम अघि बढाइएको बताए।