कडा सुरक्षाबीच थुलुङको सालिक अनावरण

कोशी प्रदेशका मुख्यमन्त्री हिक्मत कार्कीले बुधबार कडा सुरक्षा व्यवस्थाका बीच स्वर्गीय प्रजातान्त्रिक योद्धा नारदमुनि थुलुङको सालिक अनावरण गरेका छन्। थुलुङ परिवार, सरोकारवाला निकाय तथा स्थानीय समुदायको कडा असहमतिका बाबजुद कार्यक्रम सम्पन्न गरिएको हो।

चौदण्डीगढी नगरपालिकाले तीन दशकअघि राखिएको अर्धकदको सालिक हटाई पूर्णकदको सालिक मदन भण्डारी लोकमार्ग अन्तर्गत बर्खेडाँडाको चौरस्तामा प्रतिस्थापन गरेको थियो। सालिक अनावरणको तयारी भइरहँदा चर्को विरोध भए पनि नगरपालिकाले निर्णय परिवर्तन नगरी कडा सुरक्षा व्यवस्थासहित अनावरण गराएको हो।