दुलहीजस्तै सिँगारिँदै छ जोमसोम बजार

काठमाडौं– हिमालपारिको जिल्ला मुस्ताङको सदरमुकाम जोमसोम लगायत पुरै पालिकामा घरपझोङ जलवायु सम्मेलन–२०८३ को तयारीसँगै छुट्टै रौनक छाएको छ। पालिकाको निर्देशन बमोजिम सम्पूर्ण गाउँलेहरूले आ आफ्नो जिम्मेवारी वहन गरेको छ।

घरपझोङ गाउँपालिकाको आयोजनामा हुने सम्मेलनको तयारीका लागि गाउँपालिका अध्यक्ष मोहनसिंह लालचनसहित सम्पूर्ण जनप्रतिनिधि साँझसम्म व्यवस्थापनमा व्यस्त रहेका छन्। गाउँपालिकाका कर्मचारीहरू पनि आ–आफ्नो जिम्मेवारी सम्हाल्दै कार्यक्रमको तयारीमा जुटेका छन्।