भ्रष्टाचार मुद्दामा बढ्दो पुनरावेदन

भ्रष्टाचार नियन्त्रणका लागि अनुसन्धान गरी अख्तियार दुरुपयोग अनुसन्धान आयोगले विशेष अदालतमा दायर गरेका मुद्दामा धमाधम सफाइ हुन थालेपछि आयोगले सर्वोच्च अदालतमा पुनरावेदन गर्ने क्रम बढेको छ । अख्तियारले अभियोजन गरेको भन्दै प्रतिवादी स्वतः दोषी हुने होइन । दोष प्रमाणित गर्ने दायित्व अभियोजन पक्षकै हुन्छ । त्यसैले विशेष अदालतले प्रमाण अपर्याप्त देखेमा सफाइ दिन सक्ने अधिकार राख्छ ।

विशेष अदालतले कुनै मुद्दामा सफाइ दिनु आफैंमा अस्वाभाविक होइन । तर एउटै प्रकृतिका मुद्दामा अख्तियारले पर्याप्त अनुसन्धान र प्रमाणका आधारमा अभियोजन गरेको दाबी गर्ने र विशेष अदालतले त्यसको विपरीत निर्णय गर्ने क्रम बढ्दै जानु भने गम्भीर समीक्षा गर्नुपर्ने विषय हो ।