सार्वजनिक सवारी दर्तामा सरकार लचिलो,जेठ ८ अघि एलसी खोलेको भए दर्ता गर्न सकिने

यातायात व्यवस्था विभागले नयाँ सार्वजनिक सवारी साधनको दर्ता रोक्का गर्ने निर्णय गर्नुअघि नै प्रतीतपत्र खोलिसकेका सवारी साधनहरू दर्ता गर्न दिने निर्णय गरेको छ । विभागले सातवटै प्रदेशका यातायात क्षेत्र हेर्ने मन्त्रालयहरू र देशभरका स्थानीय तहहरूलाई परिपत्र जारी गर्दै यससम्बन्धी जानकारी गराएको हो ।

विभागले यसअघि २०८३ जेठ ७ गते (२०८३/०२/०७) पत्र पठाई अर्को सूचना जारी नभएसम्मका लागि नयाँ सार्वजनिक सवारी साधनहरूको दर्ता रोक्का गर्ने निर्णय गरेको थियो ।तर उक्त निर्णय हुनुअघि नै आयातको प्रक्रिया अगाडि बढाइसकेका व्यवसायीहरूको सहजताका लागि विभागले नयाँ व्यवस्था गरेको दाबी गरेको छ ।