प्रिमियर लिगमा लिभरपुललाई फेरि घाटा

काठमाडौं । इंग्लिश प्रिमियर लिगमा शीर्ष स्थानको लिभरपुललाई फेरि घाटा लागेको छ । वुधबार राती भएको खेलमा एस्टन भिल्लाले २-२ को बराबरीमा रोकेर अंक खोसेसँगै लिभरपुललाई घाटा लागेको हो ।

लिगमा २६ औं चरणका खेल सुरु हुँदा लिभरपुलको यो सातौं बराबरी हो । अवे मैदानमा लिभरपुलका लागि मोहम्मद सालाह र अलेक्सान्द्र अर्नोल्डले गोल गरे । यो बराबरीपछि २६ खेलबाट लिभरपुलले ६१ अंक बटुलेको छ ।