रेकर्ड तोडेपछि क्लोजको प्रतिक्रिया : ‘मेस्सी नै सर्वकालीन उत्कृष्ट खेलाडी’

अमेरिका । जर्मनीका पूर्व स्ट्राइकर तथा विश्वकप इतिहासका पूर्व सर्वाधिक गोलकर्ता मिरोस्लाभ क्लोजले आफ्नो कीर्तिमान तोडेपछि अर्जेन्टिनी कप्तान लियोनेल मेस्सीको खुलेर प्रशंसा गरेका छन्।

क्लोजले मेस्सीलाई बधाई दिँदै भने, “मैले सधैं भनेको छु, मेस्सी खराब खेलाडी होइनन्। मेरा लागि मेस्सी सर्वकालीन उत्कृष्ट खेलाडी हुन्। च्याम्पियन, बधाई छ।”

मेस्सीले फिफा विश्वकपमा १८ गोल गर्दै अर्को ऐतिहासिक उपलब्धि हासिल गरेपछि क्लोजको यो प्रतिक्रिया सामाजिक सञ्जालमा व्यापक रूपमा चर्चामा आएको छ। क्लोजले मेस्सीको प्रतिभा, निरन्तरता र फुटबलमा दिएको योगदानको प्रशंसा गर्दै उनलाई सर्वकालीन महान खेलाडीको रूपमा चित्रित गरेका छन्।