गोली हानाहानमा तीन महिला नक्सलवादी मारिए

मध्य भारतीय राज्य मध्य प्रदेशमा बुधबार अर्धसैनिक बलसँगको भीषण गोली हानाहानमा तीन महिला नक्सलको मृत्यु भएको प्रहरीले जनाएको छ । मध्य प्रदेशको राजधानी भोपालबाट करिब ४८० किलोमिटर पूर्वमा बालाघाट जिल्लाको गढी क्षेत्रको सुपखारको जङ्गलमा नक्सल र अर्धसैनिक बलको संयुक्त दस्ताबीच गोली हानाहान भएको हो ।

‘आज प्रहरी टोलीले गढी प्रहरी चौकी क्षेत्र अन्तर्गत पर्ने सुपखार वन दायरामा खोजी अभियान सुरु गर्यो । यस क्रममा उक्त क्षेत्रमा उपस्थित प्रहरी टोली र नक्सलीहरू बीच गोली हानाहान भयो,’ एक प्रहरी अधिकारीले भने ।