एन्थोनी गोर्डन बार्सिलोनामा अनुबन्धित

बार्सिलोना । स्पेनिस फुटबल क्लब बार्सिलोनाले इङ्गल्यान्डका विङ्गर एन्थोनी गोर्डनलाई न्युक्यासल युनाइटेडबाट पाँच वर्षको सम्झौतामा अनुबन्ध गरेको छ । क्लबले शुक्रबार यो घोषणा गरेको हो ।

२५ वर्षीय गोर्डनले यस सिजन सबै प्रतियोगितामा १७ गोल गरेका थिए, जसमा च्याम्पियन्स लिगका १२ खेलमा १० गोल समावेश छन् । न्युक्यासलमा रहँदा उनले १५२ खेलमा ३९ गोल र २८ असिस्ट गर्दै क्लबलाई गत वर्ष लिग कप जिताउन मद्दत गरेका थिए ।