पोखरामा केएफसीको मनपरी : ग्राहक तान्न नाम मात्रैको अफर

पोखरा । विश्वकै प्रख्यात फास्ट–फुड चेन केएफसीले नेपालमा भने ग्राहकको आँखामा छारो हाल्दै ठगी धन्दा चलाइरहेको पाइएको छ । विशेष गरी पोखराको पर्यटकीय क्षेत्र लेकसाइडमा रहेको केएफसी आउटलेटले भ्रामक विज्ञापन देखाएर ग्राहक तान्ने र भुक्तानीको समयमा चर्को मूल्य असुल्ने गरेको फेला परेको हो ।

हालै लेकसाइड केएफसीले गरेको एउटा बदमासीले यसको व्यावसायिक नैतिकतामाथि गम्भीर प्रश्न खडा गरिदिएको छ । गत मे २८, बिहीबारका दिन आफ्नो परिवारसहित घुम्न निस्किएका सुभाष शर्मा केएफसीको लेकसाइड आउटलेट पुग्दा त्यहाँको बोर्ड र डिजिटल स्क्रिनमा ठुलो अक्षरमा लेखिएको थियो– ‘बिहीबारको विशेष अफर ः दुई बर्गर खरिद गर्दा २ निःशुल्क’ । त्यस्तै विज्ञापन वेबसाइटमा पनि छ ।