टर्की र बेलायत पठाइदिन्छु भन्दै रकम ठगी गर्ने दुई जना पक्राउ

काठमाडौँ। वैदेशिक रोजगारीका लागि आकर्षक तलबको प्रलोभन देखाई टर्की र बेलायत पठाइदिन्छु भन्दै रकम ठगी गरेको अभियोगमा प्रहरीले दुई जनालाई सोमबार पक्राउ गरेको छ।

पक्राउ पर्नेहरूमा हाल काठमाडौँको गोकर्णेश्वर नगरपालिका-७ बस्ने बाराको निजगढ नगरपालिका-१३ का ४९ वर्षीय सुरेश गिरी र ललितपुरको महालक्ष्मी नगरपालिका-१ बस्ने संखुवासभाको चैनपुर नगरपालिका-३ का ७० वर्षीय वीरबहादुर श्रेष्ठ रहेका छन्।