कतारको ग्यास प्रशोधन केन्द्रमा भएको विस्फोटमा मर्नेमा १२ जना भारतीय नागरिक

दोहा । कतारको विशाल ग्यास प्रशोधन केन्द्र रास लाफान एलएनजी हबमा भएको विस्फोटमा कम्तीमा १३ जनाको मृत्यु भएको छ, जसमा १२ जना भारतीय नागरिक रहेका छन् ।

कतारी अधिकारीहरूले उक्त घटना औद्योगिक दुर्घटना भएको र कुनै सैन्य वा द्वन्द्वसम्बन्धी कारण नभएको बताएका छन् ।

यो पनि

मर्मतपछि सञ्चालनमा आउनासाथ कतारको ग्यास फ्याक्ट्रीमा विस्फोट : १३ जनाको मृत्यु, ६६ घाइते

कतारको गृह मन्त्रालयका अनुसार आइतबार भएको विस्फोट सञ्चालनका क्रममा भएको प्राविधिक खराबीका कारण भएको थियो । घटनामा ६६ जना घाइते भएका छन् ।

दोहास्थित भारतीय दूतावासले जारी गरेको विज्ञप्तिमा विस्फोटमा १२ भारतीय नागरिकको मृत्यु भएको पुष्टि गर्दै उनीहरूको शव स्वदेश फिर्ता पठाउने प्रक्रिया अघि बढाइएको जनाएको छ । कतारी अधिकारीहरूले घटनाको विस्तृत अनुसन्धान सुरु गरेका छन् । रास लाफ्फान एलएनजी केन्द्र विश्वकै सबैभन्दा ठुलो तरलीकृत प्राकृतिक ग्यास (एलएनजी) उत्पादन तथा निर्यात केन्द्र मानिन्छ ।

गत वर्ष अमेरिका–इजरायल र इरानबिच भएको युद्धका क्रममा यो केन्द्र इरानी क्षेप्यास्त्र आक्रमणको निशानामा परेको थियो । त्यसबेला संरचनामा ठुलो क्षति पुगेको बताइएको थियो । कतारमा आठ लाखभन्दा धेरै भारतीय नागरिक छन् ।