केदारनाथ यात्रा लगातार तेस्रो दिन पनि स्थगित, ५ सय तीर्थयात्री अलपत्र

भारतको उत्तराखण्डमा अवस्थित केदारनाथ पदयात्रा मार्गमा रहेको चिरबासा नजिकैको पहाडबाट लगातार ढुङ्गा खसेका कारण केदारनाथ यात्रा तेस्रो दिन पनि स्थगित छ।

सुरक्षा बलले लगभग ७ हजार तीर्थयात्रीहरूलाई सुरक्षित रूपमा बाहिर निकालेर गौरीकुण्ड पठाएको छ। हाल ५ सयभन्दा बढी मानिसहरू अलपत्र परेका छन्। केदारनाथ धाममा हेलिकप्टर सेवा आजदेखि पुनः सुरु भएको छ, यद्यपि पदयात्रा स्थगित रहेको छ।