भारतका १५ राज्यमा प्रि–मनसुन अलर्ट, उत्तर प्रदेश र बिहारमा चट्याङ र आँधीबाट ४८ जनाको मृत्यु

छिमेकी मुलुक भारतका विभिन्न राज्यहरू भीषण गर्मीको चपेटामा परिरहेका बेला १५ भन्दा बढी राज्यमा प्रि- मनसुन वर्षाको अलर्ट जारी गरिएको छ । पछिल्लो २४ घण्टामा भारतको बिहार र उत्तर प्रदेश (यूपी) मा आएको हावाहुरी, वर्षा र चट्याङका कारण ठुलो मानवीय क्षति भएको छ । यी दुई राज्यमा मात्रै मौसमजन्य विपद्का कारण ४८ जनाको ज्यान गइसकेको छ ।

बिहारमा पछिल्लो २४ घण्टामा आँधीबेहरी, वर्षा र चट्याङबाट १७ जनाको मृत्यु भएको छ । खराब मौसम र भारी वर्षाका कारण प्रान्तीय राजधानी पटनाको हवाई उडान समेत नराम्ररी प्रभावित भएको छ ।