खोलामा बेपत्ता बालिकाको शव सय मिटर तल भेटियो

विराटनगर : मोरङको रंगेली नगरपालिका–१ स्थित कोचनी खोलामा डुबेर बेपत्ता भएकी ७ वर्षीया बालिकाको शव फेला परेको छ । मोरङ प्रहरीका सूचना अधिकारी, डीएसपी मकेन्द्रकुमार मिश्रका अनुसार रंगेली–१ बस्ने अनिल खवासकी छोरी एलिना खवास मृत भेटिएकी हुन् ।

एलिना स्थानीय सञ्जीव चौधरीकी छोरी ८ वर्षीया साबिती चौधरीसँग कोचनी खोलामा सोमबार साँझ पौडी खेल्न गएकी थिइन् । दुवै जना पौडी खेल्ने क्रममा एलिना खोलामा डुबेर बेपत्ता भएको पाइएको डीएसपी मिश्रले बताए ।